Дубай амири шайх Муҳаммад бин Рошид Ал Мактумнинг учта ўғли бир вақтда уйланди, деб хабар беради «1news.az».
Мазкур маълумотни Бирлашган Араб Бирликлари ОАВ давлат бошқармаси ҳам тасдиқлаган.
Дубайнинг ворис шаҳзодаси 36 ёшли шайх Ҳамдан бин Муҳаммад Ал Мактум Саид бинт Тани Ал Мактумни никоҳига олган.
Дубай раҳбарининг ўринбосари 35 ёшли шайх Мактум ибн Муҳаммад Ал Мактум эса Мариам бинт Бути Ал Мактумга, Муҳаммад ибн Рашид Ал Мактум номидаги фонд раиси 32 ёшли шайх Ахмад бин Муҳаммад Ал Мактум эса Миде бинт Далмуж Ал Мактумга уйланди.
Аввалроқ, тўй маросимида иштирок этиш учун Ўзбекистон Президентининг ўғли Миралишер ва куёвлари Ойбек Турсунов, Отабек Умаров ҳамда невараси Миромон Дубайга ташриф буюриб, шайх Муҳаммад бин Рошид Ал Мактумни табриклашганни ҳақида хабар берилган эди.