Кениядаги Гарисса қўриқхонаси ҳудудида броконерлар ноёб оқ жирафа ва унинг боласини ўлдирган. Бу ҳақда Британиянинг The Telegraph нашрига таяниб, Kommersant хабар бермоқда.

Улар ўлдирилгандан сўнг, қўриқхонада биттагина оқ жирафа қолди — ўлдирилган она жирафанинг бошқа боласи.

“Биз оқ жирафаларга ғамхўрлик қиладиган дунёдаги ягона ташкилотмиз. Бу камёб ва ноёб турларни сақлаб қолиш йўлидаги фожиа бўлди”, — деди қўриқхона менежери Муҳаммад Аҳмаднур. Унинг таъкидлашича, овчилар дунёдаги сўнгги аёл оқ жирафани ўлдирдилар.

Оқ жирафа 2017 йилда қўриқхонага кирган ва жамоатчилик унга қизиққан эди. Кейинчалик у икки марта болалаган. Охирги марта у ўтган йилнинг август ойида туғган эди.

Ушбу жирафаларнинг ноодатий ранги албинизмдан эмас, балки лейкизмдан — ҳайвонларда ташқи қоплам пигментатсиясининг қисман йўқолишига олиб келадиган мутатсиядан келиб чиқади.