Бутун дунёга эпидемия тарқалиши каби глобал ҳалокатлар пайтида энг хавфсиз бўладиган давлатлар рейтинги тузилди. Бу ҳақда Science Alert журнали маълумотларига асосланиб Lenta.ru хабар беради.

Австралия, Янги Зеландия ва Исландия рўйхатнинг бошида турибди. Улар глобал фалокат пайтида кўпроқ омон қолиш имкониятига эга.

Мутахассислар фикрича, тирик қолиш имконияти паст бўлган мамлакатлар сирасига Япония, Барбадос, Куба, Фижи ва Ямайка киради.

Мутахассислар баъзи давлатлар ресурслари миқдорини оширадиган бўлса, ўз позицияларини яхшилаши мумкинлигини, бошқа давлатлар сиёсий беқарорлик ёки экологик муаммоларга дучор бўлиши сабабли «қолиб кетиш» хавфида эканини таъкидламоқда.

Тадқиқотда аҳолининг хусусиятлари, мамлакатларнинг жойлашиши, табиий ресурсларнинг мавжудлиги, шунингдек сиёсий ва ижтимоий хусусиятлар ҳисобга олинган.