Президент 14 октябрь куни Солиқ кодексига ўзгартиш ва қўшимчалар киритишни назарда тутувчи қонунни имзоланди.
Кодекснинг 99-моддасига киритилган ўзгартиришга кўра, Давлат солиқ қўмитаси солиқларни, шунингдек айланмадан олинадиган солиқни белгиланган тартибда мол-мулкни гаровга бермаган ҳолда, кафилликсиз ёки банк кафолатисиз бўлиб-бўлиб тўлаш имкониятини тақдим этишга ҳақли эканлиги белгиланди (бундан даромад солиғи, ижтимоий солиқ, тўлов манбаида олинадиган фойда солиғи мустасно).
Шунингдек, солиқ тўловчининг Ўзбекистоннинг профессионал (касб-ҳунар мактаблари, коллежлар, техникумлар) ва ОТМларида (ўзининг, 26 ёшга тўлмаган фарзандларининг ёки турмуш ўртоғининг) таълим олиши учун йўналтириладиган даромадлари солиққа тортилмайди. Бу борадаги ўзгартишлар эса кодекснинг 378-моддасига киритилди. Эслатиб ўтамиз, илгари ушбу имтиёз фақат ОТМлар бўйича татбиқ этилган.