5 июн куни соат 21:00 дан 6 июн куни соат 17:00 га қадар Тошкентнинг айрим жойларида совуқ сув ўчади. Бу ҳақда пойтахт ҳокимлиги матбуот хизмати хабар бермоқда.

Кўрсатилган муддатда Шайхонтохур тумани Беруний кўчасида Д-800мм бўлган ичимлик сув тармоғида таъмирлаш ишлари олиб борилади. Таъмирлаш 2020-2021 йиллар куз-қиш мавсумига тайёргарлик кўриш дастури доирасида олиб борилмоқда. 

Қуйидаги манзилларда ичимлик суви таъминоти ўчирилиши ва сув босими пасайиши кузатилади.

Шайхонтохур тумани:

• Марказ-26 да жойлашган кўп қаватли уйлар ва корхоналар;
• 1-сонли болалар шифохонаси;
• -242-сонли телефон тармоқлари корхонаси (АТС);
• “Версал” тўйхонаси;
• “Макро” супермаркети;
• Марказ-27 да жойлашган кўп қаватли уйлар ва корхоналар;
• 35-сонли поликлиника;
• Марказ-28 да жойлашган кўп қаватли уйлар ва корхоналар;
• “Илғор” МФЙ;
• “Тинчлик” МФЙ;
• Беруний кўчаси. 

Босим пасаядиган манзиллар:

• Тинчлик кўчаси;
• “Тинчлик” тор кўчаси;⠀

Олмазор тумани:

• Б-1 мавзеси;
• Оҳакчи кўчаси;
• Нурафшон кўчаси;
• Ниёзова кўчаси;
• Фаробий кўчаси.