Фарғона вилоятида бир кунда икки марта зилзила қайд этилди
23.12.2021 15:25,
134
Фарғона вилоятида бугун, 23 декабрь куни икки маротаба зилзила қайд этилди. Бу ҳақда ФВВ Сейсмопрогностик мониторинг республика маркази хабар берди.
Маълум қилинишича, вилоятда эрта тонгда соат 06:04 зилзила қайд этилди. Зилзила эпимаркази Фарғона вилояти Риштон туманида, координаталари: 40,38 градус шимолий кенглик; 71,23 градус шарқий узунлик.
Ерости силкинишларининг эпимаркази Тошкентдан 196 километр жануби-шарқда жойлашган бўлиб, ўчоғи 15 километр чуқурликда, магнитудаси 3,2 баллга тенг бўлган.
Шунингдек, шу куни соат 12:21 да ҳам зилзила қайд этилди. Зилзила эписентри Фарғона вилоятининг Риштон туманида жойлашган бўлиб, ўчоғи 15 километр чуқурликда, магнитудаси 3,1 баллга тенг бўлган.