Ўзбекистон мусулмонлари идораси Фатво ҳайъати йўл ҳаракати қоидалари(ЙҲК)га риоя этиш масаласидаги саволларга жавоб берди. Унда, жумладан, қуйидагилар келтирилган:

◾️ ЙҲҚга амал қилиш шаръан вожиб амал ҳисобланади;

◾️ рухсат этилгандан юқори тезликда ҳаракатланиши оқибатида рўй берган бахтсиз ҳодиса туфайли вафот этган ҳайдовчи шаръий жиҳатдан ўз жонига қасд қилган мақомида ҳисобланади.

◾️ ЙҲҚга амал қилмайдиган ёки бунга лаёқати бўлмаган шахсларнинг транспорт воситасини бошқариши жоиз эмас;

◾️ йўл ҳаракати хавфсизлигига таҳдид соладиган ҳолатда транспорт воситасини бошқариш шаръан жоиз эмас;

◾️ йўл ҳаракати иштирокчилари ўзаро одоб ва маданият билан муносабатда бўлишлари, бошқаларга халақит беришдан, қўпол сўз ва хатти-ҳаракатлардан сақланишлари лозим.