World Happiness Report ҳисоботининг 2021 йилги рейтингида Финляндия дунёнинг энг бахтли мамлакати деб топилди.
Энг бахтли мамлакатлар қаторида Исландия, Дания, Швейцария, Голландия, Швеция, Германия, Норвегия, Янги Зеландия ва Австрия мамлакатлари бор.
2020 йилги сўровномаларда қатнашган 95 та мамлакат орасида Ўзбекистон йўқ. Бунга пандемия йилида кўп мамлакатларда бўлгани каби, Ўзбекистонда ҳам ушбу рейтинг бўйича сўровнома ўтказилмагани сабаб бўлди.
Лекин, анъанавий равишда ҳисоботда бериладиган уч йиллик бўйича ўртача рейтингда Ўзбекистон 149 мамлакат орасида 42-ўринни эгаллаган ва МДҲ давлаталари орасида етакчиликни сақлаб қолган.
Ўтган йили Ўзбекистон ушбу рейтингда 38-ўринни эгаллаб, МДҲ давлатлари орасида энг бахтли деб топилганди.