9 октябр куни “Fitch Ratings” халқаро рейтинг агентлиги Ўзбекистоннинг суверен кредит рейтинги бўйича навбатдаги ҳисоботини эълон қилди.

Ҳисоботга кўра, мамлакатнинг суверен кредит рейтинги ўзгаришсиз BB- (барқарор) даражада сақланиб қолган.

Суверен кредит рейтингини қўллаб-қувватловчи омиллар қаторига ҳукуматнинг барқарор баланси, давлат қарзининг мўтадил даражаси ва ўсиш суръатлари келтирилган.

Республика кредит рейтингини чекловчи омиллар сифатида институционал ва бошқарув даражаларининг заифлиги, инфляциянинг юқори даражаси ва жон бошига тўғри келадиган ялпи ички маҳсулот (ЯИМ) кўрсатилган.

Агентликнинг таъкидлашича, Ўзбекистон бошқа давлатлардан фарқли ўлароқ, 2020 йилда иқтисодий таназзулдан қочади. 2020 йил I чорагининг охирида ўсиш суръатлари 0,2 фоизга пасайганидан сўнг, ўсиш суръати 0,5 фоизга етиши кутилмоқда. Шунингдек, фискал тадбирлар, иқтисодиётга истеъмол ва инвеститсияларни доимий қўллаб-қувватлаш ҳамда бизнинг асосий савдо шерикларимизнинг иқтисодий тикланиши туфайли 2021-2022 йилларда республикада иқтисодий ўсиш 5-5,5 фоизни ташкил этади.

Ҳисоботда таъкидланишича, мамлакатнинг ёш аҳолиси, юқори миқдордаги сармоялар ва бошқариладиган таркибий ислоҳотлар дастури инқироздан кейинги ижобий ўсишга олиб келади.

Fitch шунингдек, ҳукумат 2017 йилда бошланган макроиқтисодий барқарорлик ва ўсиш истиқболларини яхшилаш, давлатнинг иқтисодиётдаги ролини камайтириш, институционал муҳит ва бошқарувдаги заиф томонларни бартараф этишга қаратилган ислоҳотлар дастурини амалга оширишга содиқ қолади, деб ҳисоблайди. Агентлик ҳукуматнинг банк соҳасини 2025 йилгача ислоҳ қилиш стратегияси ва 2020-2021 йилларда давлат корхоналарини хусусийлаштириш режалари тўғрисида маълумот берди.

Агентлик шунингдек, ушбу баллар агентликнинг суверен рейтинг моделида Жаҳон банки бошқарув кўрсаткичларининг юқори вазнини акс эттиришини таъкидлади. Ўзбекистон Жаҳон банки бошқарув кўрсаткичлари бўйича паст поғонани эгаллаб турибди, бу институционал салоҳиятни нисбатан заиф баҳолаш, қонун устуворлигининг нотекис қўлланилиши ва коррупциянинг юқори даражаси билан боғлиқ.

Агентлик маълумотларига кўра, Ўзбекистоннинг суверен кредит рейтинги (рейтинг прогнози билан бирга) қуйидаги ҳолларда яхшиланиши мумкин:

• макроиқтисодий барқарорликни таъминлаш билан бирга иқтисодий ўсишнинг юқори суръатларига эришиш;
• "қонун устуворлиги", "жамоатчилик фикри ва ҳисобдорлиги", "тартибга солиш сифати" ва "коррупцияга қарши кураш" каби бошқарув стандартларининг сезиларли яхшиланиши;
• давлат молиясининг фискал ва ташқи захираларининг сезиларли даражада кўпайиши.