Франциянинг Дижон шаҳрида уч кундан бери давом этаётган чеченистонлик муҳожирлар ва мағриблик наркотик сотувчи гуруҳ ўртасидаги тўқнашувда камида 12 киши жароҳат олди, деб хабар беради RTVI France Info телеканалига асосланиб.
13 июнга ўтар кечаси 100 га яқин киши "Black Pearl" (Қора марварид) чилимхонасига ҳужум қилди. Улар пичоқ, бейсбол таёғи, болға ва темир таёқлар билан қуролланган эдилар. Ҳужум қилганларнинг баъзилари ниқобланган.
Après qu’un Jeune Homme D’origine #Tchetchene âgée de 16 ans a était frapper par des Homme âgée de 25 à 30 ans par traîtrise les Tchétchènes de partout en France ce sont réunis pour aller à Dijon . pic.twitter.com/ZOXy7mkYQ5
— al chechnya (@Alchechnya) June 13, 2020
Дижон полицияси тартибсизларни тарқатиш учун кўздан ёш оқизувчи газ ишлатган. Ҳеч ким қўлга тушмади. Жабрланганларнинг баъзилари жиддий жароҳатлар олган.
Телеканал хабарига кўра, ҳужум ташаббускорлари чеченлар жамоаси аъзолари бўлган, уларнинг аксарияти Франциянинг бошқа шаҳарларидан айнан шу мақсадда келган. Шундай қилиб, улар 16 ёшли чеченни калтаклаган маҳаллий гиёҳванд моддалар савдоси билан шуғулланувчи тўдадан қасос олмоқчи бўлишди. Ўсмирнинг аҳволи оғир деб баҳоланмоқда.
Кейинги тун Дижонда янги тартибсизликлар рўй берди, отишма эшитилди ва бир киши жароҳат олди.
Каналга кўра, мағриблик ва чеченистонлик қуролли одамлар тўқнашувида 40 ёшли эркак отишма пайтида жиддий яраланган. Шунингдек, оломон устига "машина ҳайдаб юборишган".
La descente des tchetchenes à Dijon continues pic.twitter.com/zBFjW7xl87
— Mans 🇲🇽 (@MansM_) June 14, 2020
Бу чеченистонликларнинг Франциядаги маҳаллий жиноий гуруҳлар билан биринчи тўқнашуви эмас. Апрел ойининг охирида Ницца шаҳрида отишма бўлиб, унда икки чечен яраланган эди. Бироздан сўнг, Труа шаҳри яқинида чеченистонлик муҳожирлар иштирокида оммавий муштлашув бўлиб ўтди.