1 ноябрь куни Ўзбекистоннинг барча ҳудудларида қуруқ, шамолсиз ва нисбатан илиқ об-ҳаво бўлиши кутилмоқда. Куннинг ўртасига келиб, ҳаво +15...+17 даражагача исиб, қулай об-ҳаво ҳафтанинг ўртасигача давом этади, деб хабар берди Ўзгидромет.
Пайшанба куни Ўзбекистон бўйича об-ҳаво кескин ўзгаради. Республика бўйича баъзи жойларда ёмғир ёғиши мумкин.
Тоғли ҳудудларда ёмғир ва қор кўринишидаги ёғингарчилик бўлади. Республика шимолида ёғингарчилик кутилмайди. Кундуз куни ҳаво ҳарорати +3...+8 даражагача пасаяди.
Баъзи жойларда шамол тезлиги 15-20 м/с гача кучайиши кутилмоқда.
Жума, 5 ноябрь куни совуқ антициклон мамлакатнинг барча ҳудудларини қамраб олади. Ёғингарчилик фақат айрим тоғли ҳудудларда сақланиб туради.
Ҳаво ҳарорати кечаси +3...+5 даража, шимолда +7...+10 даража совуқгача пасаяди, кундуз куни ҳарорат +3...+8 даража илиқдан ошмайди.