Юртимизда коронавирус тарқалишининг олдини олиш мақсадида ҳукумат томонидан зарур чора-тадбирлар амалга оширилмоқда. 

Эпидемияни енгиб ўтиш мақсадида фуқаролардан фақатгина зарур ҳоллардагина ташқарига чиқиш, бошқа ҳолатда уйда қолиш тавсия этилмоқда.

30 март кунидан бошлаб пойтахт, Қорақалпоғистон Ркспубликаси ва вилоятлар марказларида фақатгина рухсат этилган автомобилларга ҳаракатланишга рухсат этилди.

Карантин ва ушбу чекловлар боис пойтахт кўчалари бўшаб қолди. Мутахассислар Тошкентдаги ҳаво анча тозарганини таъкидлашмоқда. 

Маҳаллий аҳолининг айтишича, автомобиллар шовқини сабаб аввал билинмаган қушлар сайраши ҳам яққол эшитилмоқда.

"Ҳеч қачон шаҳарда бунақа тоза ҳаводан нафас олмагандим. Сахар қушларнинг гўзал сайрашидан уйғоняпман. Авваллари буни билмаган эканман", дейди фуқаролардан бири.

Sof.uz ҳувиллаб қолган Тошкент кўчаларидан фоторепортажни эътиборингизга ҳавола қилади.