Тошкент шаҳар Юнусобод тумани ҳокими Жаҳонгир Иброҳимов тумандаги масжид имомлари иштирокида оилаларда ажримнинг олдини олиш масаласи юзасидан учрашув ўтказди. Унда имомлар менталитетга тўғри келмайдиган сериалларни эфирга узатмасликни таклиф қилди. Бу ҳақда туман ҳокимлиги Матбуот хизмати хабар бермоқда — дея маълум қилмоқда 'Qalampir.uz'.

Шунингдек, мажлис давомида ажримлар сонини камайтириш борасида қуйидаги таклифлар киритилган: 

• Оила қуриш остонасидаги иккала ёшларни ҳам никоҳдан аввал имомлар томонидан 3 ойлик ўқув дарсларида ўқитиш;
• Оила тушунчасини мактабдан бошлаб алоҳида дарс сифатида киритиш;
• Aҳлоқий жиҳатдан менталитетга тўғри келмайдиган телесериал ҳамда кинофильмларни эфирга узатмаслик.