Ушбу қишки трансфер бозорида тўртинчи ҳужумчини қидираётган "Ювентус" "Женоа"дан Элдор Шомуродовни ижарага олмоқчилиги ҳақида хабарлар тарқалди. Аммо "Женоа" президенти Шомуродов камида мавсум охирига қадар жамоада қолишини айтиб ўтди. "Шомуродов ҳеч бўлмаганда ушбу мавсум охиригача "Женоа"да қолади" - деди Энрико Презиоси.
Ўзбекистон миллий терма жамоасининг 25 ёшли ҳужумчиси Италия чемпионатидаги биринчи мавсумини ўтказмоқда. Ёзда у "Ростов"дан Генуяга кўчиб ўтди ва янги клуб таркибида 10та ўйин ўтказди, унда у 2та гол урди ва голли пас берди.