Ўзбекистон Республикасининг Франциядаги элчихонаси ҳамда Ўзбекистон Республикаси Туризмни ривожлантириш давлат қўмитаси, «B-Tween» француз кинокомпанияси билан ҳамкорликда “Paris Première” телеканали учун «Mon rêve ouzbek» (Менинг ўзбекча орзуйим) номли ҳужжатли фильмини 2019 йилда тасвирга олишган эди ва мана 2020 йил 7 октябрь куни соат 22:50 да “Paris Première” телеканалида эфирга узатилмоқда.

Бу ҳақда Хоразм вилояти ҳокимлиги ахборот хизмати маълум қилди.

Бош қаҳрамон фильм давомида ўзбек халқининг меҳмондўстлиги ва Ўзбекистоннинг бой тарихий ҳамда маданий меросини кўриб, ўз ҳайратларини ифода этади:

«Ўзбекистонга ноёб жуғрофий ўрин (ҳудуд) туҳфа этилган. Осиёнинг қоқ юрагида жойлашган бу мамлакат ўзидан ташқаридаги мамлакатларнинг маданиятидан кўплаб маданий анъаналарни тўплади ва шу билан бирга ўз тажрибасини ташқи оламга етказди», - деган илиқ фикрлар билдирган эди.