Сўнгги кунларда Жиззах шаҳрида коронавирус инфекциясининг кўпаймоқда. Шу муносабат билан ҳудудда вирус тарқалишининг олдини олиш мақсадида йўлланма асосида шаҳар ҳокими А.Шукуров топшириғи билан ҳокимлик ходимлари коронавирусга тест топширди. Бу ҳақда Жиззах шаҳар ҳокимлиги ахборот хизмати хабар берди.
Ўтказилган тест натижаларига кўра Жиззах шаҳар ҳокимлиги ходимлари ва раҳбариятидан коронавирус инфекцияси аниқланмаган. Аммо «Маҳалла ва оилани қўллаб қувватлаш маркази» Жиззах шаҳар бўлимининг 1 нафар ходимида COVID-19 инфекцияси аниқланган. Шу сабабли «Маҳалла ва оилани қўллаб қувватлаш маркази» Жиззах шаҳар бўлими ва шаҳар ҳокимлиги биноси карантинга олинди.
Маълум қилинишича, айни пайтда ҳокимлик ходимлари ўз ишларини масофадан туриб давом эттирмоқда.