Вазирлар Маҳкамасининг 2020 йил 9 мартдаги “Кичик саноат зоналари тўғрисидаги низомни тасдиқлаш ҳақида”ги қарорига асосан халқ депутатлари вилоят Кенгашининг 22-сессияси қарори билан Самарқанд вилояти Жомбой тумани Деҳқонобод маҳалла фуқаролар йиғини ҳудудида “Деҳқонобод” кичик саноат зонаси ташкил этилади.
Янги ташкил этиладиган кичик саноат зонасига 5,5 гектар ер майдони ажратилади. Саноат зонасида лойиҳаларни амалга ошириш учун 8,363 миллион сўм маблағ талаб этилади.
Жумладан, электр энергияси учун 1 дона ТП, 6 километр тармоқ, табиий газ учун 1 дона ГРП ва 8 километр тармоқ, ичимлик суви учун 1 та сув иншооти, 1,5 километр тармоқ, 1 та тозалаш иншооти ва 1 километр канализация, 2,8 километр йўл қурилади.