ЖССТ Афғонистонда 1 млн бола очликдан вафот этиши мумкинлигини маълум қилди
13.11.2021 14:38,
75
Афғонистонда 2021 йил охирига қадар очарчиликдан камида 1 миллион бола ҳалок бўлиши мумкин. Бу ҳақда Жаҳон соғлиқни сақлаш ташкилотининг расмий вакили Маргарет Харрисга таяниб, «РИА Новости» хабар берди.
«Афғонистонда тўйиб овқатланмаслик соғлиқни сақлаш учун катта чақирув каби ўсишни давом этмоқда. Баҳолашларга кўра, йил охирига қадар 5 ёшгача бўлган 3,2 миллион бола тўйиб овқатланмаслик оқибатида жабр кўриши мумкин. Шунингдек, уларнинг камида 1 миллионида ўлиш хавфи мавжуд», — дейди Харрис.
Унинг сўзларига кўра, ЖССТ Афғонистоннинг 23 та вилоятидаги 47 та тиббиёт муассасаларида очликдан қийналган болаларни даволаш учун маблағ йўналтирган, аммо бу «денгиздан томчидек» гап.