Жаҳон соғлиқни сақлаш ташкилоти (ЖССТ) келгуси йилда дунёда CОVID-19 га қарши эмлаш учун шприцларнинг глобал танқислиги бўлиши мумкинлигини тахмин қилмоқда. Бу ҳақда 10 ноябрь, чоршанба куни ЖССТнинг дори воситалари ва соғлиқни сақлаш маҳсулотларидан фойдаланиш бўйича катта маслаҳатчиси Лиза Хедман маълум қилди, дея хабар беради Insider.
Унинг ҳисоб-китобларига кўра, 2022 йилда икки миллиардгача шприц етишмайди, бу эса ўз навбатида эмлаш тезлигига таъсир қилади.
Шунингдек, унинг таъкидлашича, бундай вазият қашшоқ мамлакатлар бир хил шприцлардан бир неча марта фойдаланишни бошлаганда яна бир муаммони келтириб чиқариши мумкин.
У тиббий асбоб-ускуналар ишлаб чиқарувчиларни бир марталик инъекция шприцларини ишлаб чиқаришни кенгайтириш йўлини топишга чақирди.
"Пандемияга жавобан амалга оширилаётган эмлашлар сони ҳақида ўйлаганингизда, бу биз қисқартиришлар, етишмовчиликлар ёки беморлар ва тиббиёт ходимлари учун тўлиқ хавфсизликни таъминлай оладиган соҳа эмас", деди у Женевада журналистларга.
Унинг таъкидлашича, дунёда CОVID-19 га қарши 6,8 миллиард вакцина жорий этилган, ҳар йили 6 миллиард шприц ишлаб чиқарилади.