Бугун АОКА штабида Бош давлат санитария инспектори Нурмат Отабеков иштирокида брифинг бўлиб ўтди.
Брифингда муҳим савол ва мурожаатлар юзасидан жавоб қайтарилди.
— Коронавирус кейинчалик одамлар орасида бошқа юқумли касаллик эпидемиясини келтириб чиқариши мумкинми?
— Умуман, табиатда инсон учун патоген бўлган ҳар бир микроорганизм (вируслар, ҳужайралар, бактериялар, паразитлар ва ҳоказо) касалликнинг муайян шаклини келтириб чиқариши мумкин.
Бир хил микроорганизм ҳар хил касалликларни келтириб чиқара олмайди. Covid-19 вируси фақат коронавирус инфекциясини келтириб чиқаради.
Коронавирус инфекцияси туфайли заифлашган иммунитет натижасида одам бошқа юқумли касалликлардан зарарланиши мумкин.