Шимолия Корея етакчиси Ким Жонг Ин коронавирус тарқалиши фонида 22 кунда илк маротаба жамоатчиликка кўриниш берди. Шанба куни у мамлакатнинг собиқ етакчиси Ким Жонг Илнинг туғилган куни муносабати билан унинг мақбарасига ташриф буюрган. Бу ҳақда мамлакат ОАВсига таяниб Reuters хабар бермоқда.
Ким Жонг Ин Пхеняндаги Кумсусан Қуёш саройида собиқ етакчининг хотирасига ҳурмат бажо келтирди, у охирги марта 25 январда Янги йилни нишонлаш маросимида қатнашганидан бери жамоатчиликка кўринмай келаётган эди.
Шимолий Кореяда коронавирус билан оғриган бемор қайд этилмаган, аммо давлат ОАВсининг хабар беришича, коронавирус белгилари сезилган фуқаролар учун карантин муддати 30 кун қилиб белгиланган.
Аввалроқ Хитойга ташриф буюрган Шимолий Корея савдо вакили коронавирус туфайли отиб ташланганлиги ҳақида хабар берилган эди.