Тожикистон мамлакатнинг Афғонистон билан чегара ўтиш нуқталарида назоратни кучайтирди. Бу ҳақда мамлакат соғлиқни сақлаш вазири ўринбосари Мирхамуддин Камолзодага таяниб asia-plus нашри хабар бермоқда.
Унинг таъкидлашича, гап чегара ўтиш нуқталарини тўлиқ ёпиш ҳақида кетмаяпти.
“Ҳозир ходимларимиз чегарада ва у ерда вазият назорат остида. Мамлакатимизга коронавирус кириб келишига йўл қўймаслик мақсадида чегара пунктларида ва аэропортларда Афғонистоннинг тегишли органлари билан яқиндан ишлаяпмиз”, — деди Камолзода.
Унинг қўшимча қилишича, бугунги кунга қадар Тожикистонда 1148 нафар фуқаро карантинда сақланган. Ҳозирда уларнинг 882 нафари карантиндан чиқарилган.
Мавзуга доир: Ўзбекистон коронавирус сабабли Афғонистон билан чегарасини ёпиши мумкин
Кеча қўшни Афғонистонда коронавирус билан боғлиқ биринчи ҳолат қайд этилганини хабар берган эдик.
Мавзуга доир: Хитойдан ташқарида ҳам коронавирус тарқалиш хавфи дунёни остин-устун қилмоқда
Коронавирус ҳақида барча мақолалар