2019 йил бутун дунёда атроф-муҳитни сақлаб қолиш учун ўтказилган турли хил акциялар, намойишлар, митинглар билан ёдда қолди. Ҳатто мактаб ёшидаги швед фаоли Грета Тюнберг БМТ минбарларида, дунёнинг етакчи давлатлари раҳбарлари билан учрашувларда нутқ сўзлаб, уларнинг эътиборини иқлим ўзгаришларига қарата олди (Time журнали Гретахонни "Йил одами" сифатида танлагани ҳам бежиз эмас). Амазонка, Австралия, Жануби-Шарқий Осиёдаги ўрмон ёнғинларини кўргач, дунё ҳамжамияти ҳам ўз эътиборини табиатни асрашга қаратди.
Она табиатни энг кўп ифлослантираётган воситалардан бири, шубҳасиз пластикдан тайёрлаган буюумлардир. Шу сабабли дунёнинг турли минтақаларида "яшиллар" ҳаракатлари пластик буюмларни бутунлай истеъмолдан чиқариш тарафдорига айланди. Ҳатто Ўзбекистонда ҳам шундай ташаббус билан бир марталик фойдаланиладиган селофан пакетларни бепул тарқатиш тақиқланган эди.
Лекин 2020 йилнинг кутилмаган ибтидоси барча ўйин қоидаларини ўзгартириб юборди. Дунё яна пластикка эҳтиёж сеза бошлади. Жорий йилнинг дастлабки ярим йиллигида катта миқдорда пластик маҳсулотлар: қўлқоплар, ниқоблар ҳамда тиббий кўзойнаклар ишлаб чиқарила бошланди. Шунингдек, бир марталик тозалаш воситалари ва суюқ совунлардан фойдаланиш каррасига ортди. Қуйида суратлар орқали бутун дунё пластик буюмлар орқали коронавирус пандемиясига қарши қандай курашаётганини ҳикоя қиламиз.
Калифорнияда алоҳида-алоҳида "қутиларда" шуғулланаётган спортчилар, АҚШ
Бангкокдаги Praram 9 касалхонасида янги туғилган чақалоқ, Таиланд
Йоханнесбургда гуллар аукционидаги иштирокчилар, ЖАР
Сеулдаги Hyudai кредит карталар компанияси ходимлари тушликда, Жанубий Корея
Уханда мотоцикл ҳайдаб кетаётган эркак, Хитой
Гранадада бозор қилиб келаётган аёл, Испания
Ансамбл Вашингтонда жонли эфирдаги концертдан олдин овозини текширмоқда, АҚШ
Амритсар полицияси шеригининг шахсий ҳимоя воситасини тўғрилаб қўймоқда, Ҳиндистон
Париждаги ресторанда тушлик қилаётган жуфтлик, Франция
Бурбурдаги қариялар уйига эрини кўриш учун келган аёл, Франция
Камарма-де-Эстеруэлас шаҳрида тиш шифокори ва унинг ёрдамчиси операцияга ҳозирлик кўрмоқда, Испания
Санторинидаги пляжда соябон ва қуёш чодирлар, Греция
Виржинияда салонини очишга чоғланаётган сартарош, АҚШ
Ҳанойдаги таксичи, Вьетнам
Никкодаги Kinugawa бошланғич мактаби кутубхонасидаги болакайлар, Япония
Львов шаҳридаги дорихоначиларнинг одатийга айланаётган иш фаолияти, Украина
Сан-Паулудаги қариялар уйидаги онасини қучаётган қиз, Бразилия
Бангкокдаги бозорда чақалоғига ғамхўрлик қилаётган она, Таиланд
Манчестерда ташлаб кетилган қўлқоп, Буюк Британия