Жаҳон Соғлиқни сақлаш ташкилоти раҳбари Тедрос Адханом Гебрейесус сешанба куни Хитой ҳукумати расмийлари коронавируснинг келиб чиқишини ўрганиш мақсадида йўл олган халқаро экспертларни ушбу мамлакатга киритмаганидан ташвишда эканини айтди.
ЖССТ раҳбарининг айтишича, дунёнинг турли мамлакатларидан тўпланган олимлар пандемия сабабларини ўрганиш учун сафарга тайёр, бироқ, расмий Пекин ҳозирча бу сафарга розилик билдирмаган.
“Мен бу янгиликдан қаттиқ ташвишдаман, – деди Гебрейесус. – Гуруҳнинг икки нафар аъзоси бундан йўлда хабар топишди, қолганлар эса, сўнгги дақиқада йўлдан қайтишди. Мен хитойлик расмийлар билан боғланиб, бу иш ЖССТ ва бутун жаҳон ҳамжамияти учун ҳаёт-мамот масаласи эканини тушунтиришга ҳаракат қилдим. Улар Хитой раҳбариятининг бу масаладан етарлича хабардор эканлиги, ички тайёргарлик ишлари якунланиши билан хорижлик экспертлар ташрифига рухсат берилишини билдиришди”.
Айни пайтда бутун дунёда пандемик вазият жиддийлигича қолмоқда. Буюк Британияда сўнгги кеча-кундузда 60 минг кишида коронавирус аниқланди. Бу мамлакат миқёсида пандемия бошланганиган бери энг юқори кўрсаткич. Мамлакат Бош вазири Борис Жонсоннинг айтишича, айни пайтдаги вазият мамлакатда учинчи бор карантин жорий этишдан бошқа чора қолдирмаган. Ҳозирда мамлакатда 1,3 миллиондан ортиқ инсон эмланган.
“Шундан 650 минг нафари 80 ёшдан ошган кексалардир, – деди бош вазир. – Бу Англиядаги 80 дан ошган фуқароларнинг 23 фоизини ташкил қилади. Шу тариқа икки-уч ҳафта ўтиб, аҳолининг нисбатан заиф қатламига мансуб ҳар тўртинчи одам сезиларли даражада иммунитетга эга бўлади”.
Германияда январ ойининг охирига қадар карантин чоралари кучайтирилган ҳолатда давом этади, шунингдек, вазият оғир бўлган ҳудудларда янги чекловлар киритилади. Энди фуқаролар фақат ўз оила аъзолари ва ундан ташқари яна бир нафар бегона киши билан мулоқотга киришишлари мумкин. Қариялар уйи ходимлари, ташриф буюрувчилар, янги келиб қўшилганлар муддатидан олдин экспресс-тестдан ўтишлари керак бўлади.
Дания ҳукумати ҳам нисбатан тезроқ юқиши аниқланган коронавируснинг янги штаммига қарши кураш мақсадида чеклов чораларини кучайтирган.
Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Сўнгги янгиликлар
25.09.2023 15:06,
4
AsiaExpress pul o‘tkazmalari MKBANKda!
20.09.2023 15:22,
0
Kutib oling MKBANKdan Premial Visa kartalari
Коронавирусни ўрганиш учун борган ЖССТ экспертлари Хитойга киритилмади.
6.01.2021 19:08,
343
Тавсия этамиз
25.09.2023 15:06,
4
AsiaExpress pul o‘tkazmalari MKBANKda!
13.09.2023 15:25,
1
MKBANKda quyosh panellari o‘rnatish uchun 150 mlrd.dan ortiq kreditlar ajratildi
23.01.2023 16:04,
405
Bloomberg: 2023 йилда Европа тарихдаги энг ёмон қарз инқирозига дуч келиши мумкин
Тавсия этамиз
Ўзбекистон
25.09.2023 15:08,
8
Ўзбекистон
21.09.2023 15:33,
2
Ҳар доим хабардор бўлинг!
carzone.uz мобил иловаларини кўчириб олинг ва барча янгиликлар сиз билан