АОКАда ўтказилган матбуот анжуманида шу ҳақда маълум қилинди. Қайд этилишича, агентлик коррупцияга қарши экспертизадан ўтказишга масъул органлардан бири сифатида белгиланади.
Коррупцияга қарши курашиш агентлиги томонидан манфаатдор идоралар билан биргаликда «Норматив-ҳуқуқий ҳужжатлар ва улар лойиҳаларининг коррупцияга қарши экспертизаси тўғрисида»ги қонун лойиҳаси ишлаб чиқилди.
Қонун лойиҳасига кўра, коррупцияга қарши экспертизадан ўтказишга масъул органлар сифатида қуйидагилар таклиф этилмоқда:
— Адлия органлари;
— Вазирлик, идора ва ташкилотларнинг юридик хизматлари;
— Коррупцияга қарши курашиш агентлиги.