Қашқадарё вилояти ИИБ Ахборот хизматининг хабар беришича: 2021 йил 20 феврал куни Қашқадарё вилояти ИИБда Ўзбекистон Республикаси Коррупцияга қарши курашиш агентлиги томонидан “Ўзбекистон Республикасида коррупсияга қарши курашиш сиёсати ва коррупсияга йўл қўймасликка йўналтирилган амалий чора-тадбирлар” мавзусида тақдимот бўлиб ўтди. Унда барча шаҳар-туман ички ишлар органлари онлайн тарзда қатнашди.
Тақдимотда Ўзбекистон Республикаси Коррупцияга қарши курашиш агентлигининг ташкил этилиши, соҳани тартибга солувчи норматив-ҳуқуқий ҳужжатлар, агентликнинг қонуний мақоми, асосий вазифа ва фаолият йўналишлари, ваколатлари, коррупсияга қарши “комплекс-назорат” тизимини жорий этиш бўйича чора-тадбирлар йўналиши ҳақида иштирокчиларга тушунчалар берилди. Коррупцияга қарши “комплекс-назорат” тизимини жорий этишда эришилган асосий натижалар тўғрисида маълумотлар иштирокчиларга қизиқиш уйғотди.
Тақдимотдан сўнг Қашқадарё вилояти ИИБ соҳа-хизматлари ходимларидан аноним сўровномалар олинди.