«Ливерпуль» антирекорд ўрнатди
5.03.2021 09:26,
239
Ливерпуль" Англия чемпионатининг 27-тури доирасида ўз майдонида "Челси"ни қабул қилиб, кичик ҳисобда имкониятни бой берди.
"Opta Sports" тарқатган хабарга кўра, Юрген Клопп шогирдлари кетма-кет бешинчи ўйинда "Энфилд"да мағлубиятга учрашди. Бу эса клуб тарихидаги энг ёмон натижа ҳисобланади.
Эслатиб ўтамиз, "Ливерпуль" бунгача ўз уйида "Бёрнли" (0:1), "Брайтон" (0:1), "Манчестер Сити" (1:4) ва "Эвертон" (0:2) клубларига имкониятни бой беришганди.
"Ливерпуль" АПЛнинг жорий мавсумида 43 очко билан 7-ўринда бормоқда.