Ливиядаги барча хорижий жангчилар уч ой ичида мамлакатни тарк этишлари керак. Ливиянинг қўшма ҳарбий комиссияси томонидан 5+5 форматида Женевада ҳужжат имзолангандан сўнг, сулҳ битими дарҳол кучга киради, деди БМТнинг Ливия бўйича махсус вакили вазифасини бажарувчи, БМТнинг Ливияни қўллаб-қувватлаш бўйича миссияси раҳбари Стефани Уилямс, имзолаш маросимида сўзга чиққан ҳолда. Бу ҳақда РИА Новости хабар бермоқда. 

"Ливиядаги сулҳ битими Женевада ҳужжат имзолангандан сўнг дарҳол кучга киради .... Томонлар олдинги чизиқда турган барча ҳарбий кучлар ва қуролли гуруҳлар ўз лагерларига қайтишга қарор қилдилар. Бу барча Ливия ҳудудларини чет эллик жангарилардан озод қилиш билан биргаликда амалга оширилиши керак. Буни бугундан бошлаб уч ой ичида амалга ошириш керак. Оташкесим БМТ томонидан террорчи деб топилган гуруҳларга тааллуқли эмас ", - деди у.

Унинг сўзларига кўра, томонлар, шунингдек, бугундан бошлаб янги ҳукумат ўрнатилгунга қадар ҳарбийлар учун барча ўқув лагерлари ишлашни тўхтатишга келишиб олдилар. Хавфсизлик талабларига риоя этилишини назорат қилиш учун қўшма полиция кучлари ҳам тузилмоқда.

Ливияда Триполи ва мамлакат ғарбидаги ҳудудларни назорат қилувчи Миллий келишув ҳукумати Фаёз Сарраж ва шарқда ўтирган парламент билан ҳамкорлик қилувчи маршал Халифа Ҳафтар бошчилигидаги Ливия миллий армияси ўртасида қарама-қаршилик давом этмоқда. МКҲни Туркия ва Қатар, Ҳафтар эса Миср ва БАА ҳамда Россия томонидан қўллаб-қувватланади.