Маданият вазирлигининг 32 ёшли ходими коронавирусдан вафот этди
18.07.2020 14:39,
793
Маданият вазирлиги ходими Акмал Ирисов 18 июль куни коронавирусдан вафот этди. Бу ҳақда вазирлик матбуот хизмати хабар берди.
Акмал Ирисов 1988 йилда Самарқанд вилояти Пайариқ туманида туғилган. Айни пайтгача у Маданият вазирлигининг Иқтисодий таҳлил, молия ва бухгалтерия бошқармаси бош мутахассиси лавозимида ишлаб келган.
Шифокорлар томонидан унга ўткир нафас етишмовчилиги, икки томонлама пневмония, COVID-19 ташхислари қўйилган.
«Маданият вазирлиги томонидан унинг оила аъзолари ва яқинларига таъзия изҳор этиб, чуқур ҳамдардлик билдирамиз», — дейилади хабарда.