Миллионер қаллиғини йўлдан урадиган шилқимга катта мукофот таклиф қилди
8.08.2019 17:25,
18
Люкс товарларни сотадиган HushHush платформасига “профессионал шилқим”ни топиб бериш ҳақида мурожаат келиб тушди. Бу ҳақда Daily Mirror нашри хабар қилди.
Исми сир сақланишини сўраган мижоз қаллиғининг вафодорлигини синаб кўрмоқчи. Эркакда севгилиси тўйни тезлаштириши ва никоҳ шартномаси тузилишига қаттиқ қаршилик кўрсатиши шубҳа уйғотди.
Эълон муаллифи ёши катта эканлигини ҳам маълум қилди.
Малакали шилқим ролига мос келадиган ёш йигитга 15 минг фунт стерлинг (18,5 минг доллар), ҳашаматли уйга ва автомобилдан фойдаланиш ҳуқуқи ва шахсий ҳаражатлар учун маблағ берилади.
Номзод яхши жисмоний тайёргарлик, қадди-басти келишган, чиройли йигит бўлиши талаб этилади.