Мирзиёев келаси ҳафта Имрон Хон билан муҳим масалаларни муҳокама қилади
11.04.2021 19:44,
216
Шавкат Мирзиёев ва Покистон бош вазири Имрон Хон 14 апрель куни видеоанжуман шаклида учрашув ўтказади. Бу ҳақда Президент матбуот хизмати хабар берди.
Қайд этилишича, Ўзбекистон ва Покистон етакчилари халқаро ташкилотлар доирасидаги ҳамкорлик масалалари юзасидан ҳам фикр алмашиб, бўлажак тадбирлар режасини кўриб чиқади. Саммит якунида сиёсий, савдо-иқтисодий, транспорт-коммуникация ва таълим соҳаларига оид қатор қўшма ҳужжатлар имзоланиши режалаштирилган.