Молия вазирлиги «Фуқаролар учун бюджет 2021» лойиҳасини тақдим этди. Унда Ўзбекистондаги 20 нафар энг йирик солиқ тўловчи келтирилган. Ушбу компаниялар 2021 йилда давлат бюджети тушумларининг 47,3 фоизини таъминлаши кутилмоқда.

• «Олмалиқ кон-металлургия комбинати» — 6,4 фоиз;
• «Ўзбекнефтгаз» АЖ — 5,1 фоиз;
• «Ўзтрансгаз» АЖ — 3,3 фоиз;
• Lukoil overseas supplying and trading ДК — 3,1 фоиз;
• «Ўзбекэнерго» АЖ — 2,3 фоиз;
• «ЎзBAT» АЖ — 1,7 фоиз;
• UzAuto Motors АЖ — 1,5 фоиз;
• Unitel (Beeline) ҚК МЧЖ — 0,5 фоиз;
• Coscom (Ucell) ҚК МЧЖ — 0,5 фоиз;
• «Ўзбектелеком» АЖ — 0,5 фоиз;
• «Қизилқумцемент» АЖ — 0,5 фоиз;
• Uz-Kor Gas Chemical МЧЖ — 0,4 фоиз;
• Шўртан газ-кимё мажмуаси МЧЖ — 0,3 фоиз;
• «Тошкентвино» комбинати — 0,3 фоиз;
• «Ўзбекистон темир йўллари» — 0,2 фоиз;
• Tashkent Tobacco МЧЖ— 0,2 фоиз;
• Universal mobile sistem (Mobiuz) — 0,2 фоиз;
• «Оҳангарoнцемент» АЖ — 0,1 фоиз;

Лойиҳада қайд этилишича, давлат бюджети даромадлари кўп жиҳатдан йирик солиқ тўловчилар туркумига кирувчи корхоналардаги иқтисодий ҳолатга боғлиқ бўлади. Бошқа даромадлар — асосан давлат улуши бўйича ҳисобланган дивидендлар, давлат божлари, йиғимлар ва жарималар ҳисобидан шаклланади.

2019 йилдан фарқли равишда рўйхатда Coca-Cola, «Фарғона нефтни қайта ишлаш заводи», «Муборакнефтгаз», «Бухоро нефтни қайта ишлаш заводи» ва бошқа йирик компаниялар йўқ.