Москванинг Домодедово аэропортидан Фарғонага учган самолёт йўловчилардан бирининг вафоти сабаб Самара шаҳрига қўнишга мажбур бўлди. Бу ҳақда Самара аэропороти матбуот хизмати РИА Новостига хабар қилди.
Таъкидланишича, Москва-Фарғона рейси йўловчилардан бирининг нохуш ҳолати сабаб Самаранинг Курумоч аэропортига мажбуран қўнди, дейилади хабарда.
"Шифокорлар бортга етиб борганларида, афсуски, йўловчи вафот этган эди", дейди аэропорт ходими.
Куйбишев транспорт прокуратураси матбуот хизматининг маълум қилишича, Ўзбекистон фуқаросининг ўлим сабаби инфарктдир.