Москвада бу йил ҳам Қурбон ҳайити намози жамоат бўлиб ўқилмайди
12.07.2021 20:58,
72
Россия мусулмонлар идораси уламолар кенгаши эпидемиологик вазият туфайли Москвада Қурбон ҳайити намозини фақат фақат Москва Жоме масжидида адо этиш тўғрисида қарор чиқарди.
“Москвада ҳайит намози фақат Жоме масжидида имомлар, муаззинлар ва муфтий ўринбосарлари иштирокида адо этилади. Бошқа масжидларда, шунингдек, мусулмонларнинг маҳаллий диний ташкилотларида ҳайит намози ўқиш тавсия қилинмайди”, - дейилган хабарда.
Барча мусулмонларга байрамни ўз уйларида, оила даврасида ўтказиш тавсия қилинган.
Россияда бу йилги Қурбон ҳайити 20 июль куни нишонланади.
Эслатиб ўтамиз, ўтган йили ҳам коронавирус сабаб Москва масжидларида ҳайит намозлари жамоат бўлиб ўқилмаган эди.