Навоийда банк ходимларининг аянчли ўлими бўйича текширув ўтказилади
10.11.2021 00:16,
580
Жорий йилнинг 6 ноябрь куни Халқ банкининг Навоий вилояти Нурота филиалининг уч нафар ходими ЙТҲ оқибатида вафот этганди.
Шундан сўнг, ижтимоий тармоқда марҳумлар юқори турувчи раҳбарлар берган топшириқларни бажариш учун дам олиш кунида ишга чиқишга мажбур бўлгани ҳамда шу куни эрталабдан вилоят филиалидаги норасмий йиғилишга чақирилгани, лекин, ўртада бирор-бир расмий хат ёки дам олиш куни ишга чиқиш ва меҳнат мажбуриятлари билан шуғулланиш ҳақида буйруқ ёки қарор бўлмагани ҳақида хабарлар тарқалди.
Меҳнат вазирлигининг маълум қилишича, ушбу ҳолат юзасидан махсус текширув ўтказиш комиссиясини тузиш бўйича бандлик ва меҳнат муносабатлари вазирининг буйруғи тайёрланди. Ўрганиш ишлари 15 кун муддат ичида олиб борилади.