АОКА ҳузуридаги штабда Санитария-эпидемиологик осойишталик агентлиги директорининг биринчи ўринбосари Ботир Қурбонов иштирокида брифинг бўлиб ўтди.
Брифингда аҳолит томонидан йўлланган саволларга жавоб қайтарилди:
— Нима сабабдан Тошкентда касаллик аниқланса фақат маҳалла, вилоятларда эса бутун ҳудуд қизил деб эълон қилинмоқда?
— Тошкент шаҳри бўйича касаллик қайд этилган ҳар битта туманнинг маҳаллалар, мавзелар, даҳалари ва йирик объектлар бўйича карантин, чеклов тадбирлари белгилаш тизимли олиб борилмоқда.
Мақсад — Тошкент шаҳри пойтахт шаҳар эканлиги боис аҳолининг ижтимоий-иқтисодий ислоҳотлари ва ҳаракатларига таъсир қилмаган ҳолда, тадбирларни манзилли белгилаш тизимли тарзда амалга ошириш.