Нидерландия бош вазири вазифасини бажарувчиси Марк Рюттенинг маълум қилишича, мамлакатда коронавирус билан боғлиқ вазият ёмонлашгани туфайли ҳукумат янги локдаун жорий қилишга қарор қилган, деб хабар беради “De Telegraaf”.

Рюттенинг сўзларига қараганда, касалланиш миқдорининг ошиши туфайли ҳозирда соғлиқни сақлаш тизимига босим ҳаддан ортиқ даражада кучли.

“Вирус қаршилик ва зарбага учраши лозим”, деди бош вазир.  

Шунингдек, у локдаун уч ҳафтага – 13 ноябрдан 4 декабргача жорий қилинишини айтди. 3 декабрда ҳукумат вазиятни муҳокама қилиб, тегишли қарорга келади.  

Нидерландияда ижтимоий масофани сақлаш талаби кучайтирилади, ишлар масофадан ташкил қилинади, спорт мусобақалари томошабинларсиз бўлади. Овқатланиш муассасалари фаолиятига чеклов қўйилади.