Нурафшон ҳокими хизмат автомобили қоида бузгани акс этган видео юзасидан маълумот берилди
7.09.2021 20:59,
1095
Ижтимоий тармоқда «Тошкент вилояти, Нурафшон шаҳар ҳокимининг хизмат автомобили қоидаларга амал қилмайдими?» сарлавҳаси остида видео тарқалди. Ҳолат юзасидан ЙҲХББ маълумот берди.
Қайд этилишича, ижтимоий тармоқда Captiva русумли, 10 107 ТVH давлат рақам белгили автомобиль пиёдалар ўтиш жойида тўхтаб тургани акс этган видео тарқалган ва кенг жамоатчилик эътирозларига сабаб бўлган.
Видео Тошкент вилояти ИИББ ЙҲХБ масъул ходимлари томонидан ўрганилган ва қоидани бузган ҳайдовчига нисбатан баённома тузилиб, БҲМнинг 2 баравари миқдорида жарима белгиланган.