Ўзбекистон футбол ассоциацияси “Сурхон” футбол клубининг маъмурияти клубнинг собиқ футболчилари Жавоҳир Эсонқулов ва Акром Хўжаевни калтаклагани бўйича расмий баёнот берди.
Ўзбекистон футбол ассоциацияси раҳбарияти ва масъул мутахассислари иштирокидаги махсус йиғилишда бу каби салбий ҳолатлар кескин қораланган ва ушбу шахсларнинг масъулиятсизлиги ва этика нормаларига риоя қилмаслиги ўзбек футболи имижига путур етказаётгани таъкидланган.
Маълум қилинишича, ЎФА томонидан “Сурхон” футбол клуби бош директори Азамат Абдурахмонов, спорт директори Абдумажид Тоиров, футболчилар Асрор Ғофуров, Жавоҳир Эсонқулов ва Акром Хўжаев футбол билан боғлиқ ҳар қандай фаолиятдан четлаштирилди.
Бу ҳуқуқни муҳофаза қилувчи органлар томонидан олиб борилаётган терговга қадар текширув якунига қадар давом этади.
Футболчилар клубдагилар уларни дубинка билан уришгани ва отвёртка билан сўймоқчи бўлишганини гапириб беришганди.