Олма-отада январь ойи бошида бошланган тартибсизликлардан сўнг вазият барқарорлашди ва бугундан бошлаб шаҳарда террорчилик хавфининг юқори — “тўқ сариқ” даражасидаги ҳаракатлар бекор қилинди, дея хабар бермоқда терроризмга қарши кураш бўйича шаҳар оператив штаби.

Махсус ва ҳуқуқ-тартибот идоралари хизматнинг такомиллаштирилган турини амалга оширишда давом этади. Штабда аҳолига фуқаролик масъулияти учун миннатдорчилик билдирилди.

Январь ойи бошида Жанаўзен шаҳрида (Ғарбий Қозоғистонда) бошланган тинч намойишлар бутун мамлакат бўйлаб иқтисодий ва сиёсий талаблар билан оммавий норозилик намойишларига айланди. Баъзи ҳудудларда погромлар бошланди, маъмурий бинолар, полиция бўлимлари ва дўконларга ҳужум қилинди.

5 январдан 19 январгача республикада фавқулодда ҳолат жорий этилди.

6 январь куни Қозоғистоннинг барча вилоятларида рўй берган тартибсизликлар фонида террорчилик таҳдидининг критик - “қизил” даражаси жорий этилди. Кейинчалик вазият барқарорлашган аксарият ҳудудларда у бекор қилинди ёки енгиллаштирилди. 25 январь куни “қизил” даража уч вилоят – Олмаота, Олмаота ва Жамбилда бекор қилинди.