Мудофаа вазирлиги Ахборот ва оммавий коммуникациялар департаментининг хабарига кўра, учрашув давомида томонлар қардош халқларнинг бирдамлиги, икки томонлама ҳарбий ва ҳарбий-техник ҳамкорлик масалаларининг жорий ҳолати ҳамда истиқболлари, минтақавий хавфсизлик масалалари муҳокама этилди.
Шунингдек, йиғилишда Қозоғистонда бўлиб ўтган “Қалқон-2021” ҳамда Ўзбекистонда давом этаётган “Ҳамкорлик-2021” қўшма ўқувларининг аҳамияти, бўлинмаларнинг жанговар тайёргарлик масалаларига атрофлича тўхталиб ўтилди.
Учрашув сўнгида Ўзбекистон ва Қозоғистон мудофаа вазирликлари ўртасида ҳарбий соҳада ҳамкорлик бўйича қатор тадбирларни ўз ичига олган битим имзоланди.