Сингапур давлатидаги "Singapore Sports Hub Stadium" ўйингоҳида ЖЧ-2022 саралашидан ўрин олган Сингапур ҳамда Ўзбекистон миллий терма жамоалари ўртасидаги учрашув ниҳоясига етди.
Ўйинда мамлакатимиз вакиллари 3:1 ҳисобида ғалаба қозонишди.
Вадим Абрамов шогирдлари бу сафар ушбу таркиб билан майдонга тушишди:
Элдор Суюнов - Фаруҳ Сайфиев, Рустам Ашурматов, Ислом Тўхтахўжаев, Ҳожиакбар Алижонов - Жалолиддин Машарипов, Отабек Шукуров, Санжар Қодирқулов, Одил Аҳмедов - Достон Ҳамдамов, Элдор Шомуродов.
Ўйиннинг 15-дақиқасида жамоа сардори Одил Аҳмедов стандарт жарима зарбасини қойилмақом ижро этиб, терма жамоани олдинга олиб чиқди.
Биринчи бўлимнинг сўнгги дақиқасида Сингапур ҳужумчиси Фанди боши билан дарвозамизни аниқ нишонга олди: 1:1.
51-дақиқада Фаррух Сайфиевнинг чап қанотдан оширган тўпини Элдор Шомуродов боши билан дарвозага жойлади: 1:2.
Ўйиннинг 91-дақиқасида Элдор Шомуродов рақибларнинг очиқ қолган дарвозасини яна бир бор нишонга олди.
