Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ўзбекистон ва Туркия эркин савдо ҳудуди ташкил этишни режалаштирмоқда
21.02.2020 18:14,  
170

Ўзбекистон ва Туркия эркин савдо зонасини ташкил этиш тўғрисида битим имзолашни режалаштирмоқда. Бу ҳақда Ўзбекистон инвестициялар ва ташқи савдо вазири Сардор Умурзоқов маълум қилди.

Унинг сўзларига кўра, ҳозир томонлар имтиёзли савдо тўғрисидаги келишув бўйича музокаралар олиб бормоқда. “Келгусида биз эркин савдо зонаси тўғрисида келишувга эришамиз. Бу бизнинг режаларимизда бор”, — деди Умурзоқов президент Шавкат Мирзиёевнинг Туркияга ташрифи бўйича қўшимча маълумот бериб.

Вазир сўнгги уч йил ичида икки томонлама савдо айланмаси ҳажми икки баравар кўпайганини, 2020 йил охирига қадар эса томонлар у 3 миллиард долларлик даражага етишини кутаётганини таъкидлаб ўтди.

“Президентлар яқин келажакда савдо ҳажмини 5 миллиард долларга етказиш вазифасини қўйди. Бунинг учун бизда барча асослар бор. Туркиялик шерикларимиз билан жуда жиддий ишлашимиз керак. Аввало, имтиёзли савдо тўғрисидаги келишувни имзолаш йўналиши бўйича. Биз бу билан шуғулланмоқдамиз”, — дея қўшимча қилди Умурзоқов.

Ўзбекистон президенти Шавкат Мирзиёев 19-20 февраль кунлари Туркияга ташриф буюрди ва у ерда икки мамлакат раҳбарлари раислигида биринчи маротаба олий даражадаги Стратегик ҳамкорлик кенгашининг йиғилиши бўлиб ўтди.

МАВЗУГА ДОИР: Туркиялик тадбиркорлар билан 7 миллиард доллардан зиёд шартномалар имзоланди

Музокаралар чоғида давлатлараро ҳамкорликка оид кенг кўламли масалалар, уларни ҳал қилиш йўллари, истиқболдаги муҳим вазифалар кўриб чиқилди, томонлар қўшма лойиҳаларни амалга оширишга келишиб олди. Стратегик ҳамкорлик кенгашининг биринчи мажлиси якунлари бўйича қўшма баёнот, шунингдек, савдо, иқтисодиёт ва технологиялар соҳасидаги ҳамкорлик тўғрисида ҳужжатлар имзоланди.

МАВЗУГА ДОИР: «Ўзбекистонга кирган компания албатта манфаат топади. Мен бунга кафолат бераман» – Президент туркиялик тадбиркорлар билан учрашди

Ташрифнинг иккинчи кунида Мирзиёев Туркиянинг етакчи компания ва банклари раҳбарлари билан учрашди, Туркия Республикаси президенти қошидаги Халқ кутубхонасининг очилиш маросимида иштирок этди.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан