Сентябрда болаларни қишки кийим-кечак, мактаб формаси ва ўқув қуроллари билан таъминлаш учун 400 миллиард сўм ажратилади.
Президент қарорига биноан, 810 мингдан ортиқ болани моддий қўллаб-қувватлаш учун 400 миллиард сўм (ҳар бир бола учун — 500 минг сўм) ажратилади.
Ушбу ёрдам кам таъминланган оилалар фарзандларини қишки кийим-кечак, мактаб формаси ва ўқув қуроллари билан таъминлашга қаратилган.
Бунда аҳолининг қуйидаги қатламларига бир марталик моддий ёрдам кўрсатиш кўзда тутилган:
- моддий ёрдам ва кўмакка муҳтож оилаларнинг рўйхатларига («темир дафтар») киритилган оилаларнинг 16 ёшга тўлмаган болаларига;
- боқувчисини йўқотганлик пенсияси ёки нафақасини олувчи оилаларнинг 16 ёшга тўлмаган болаларига;
- ногиронлиги бўлган 16 ёшга тўлмаган болаларга.