Ўзбекистонда букмекерлик ва тотализатор фаолияти қонуний эмаслиги маълум қилинди
28.07.2021 08:07,
128
Ўзбекистон ҳудудида букмекерлик ва тотализатор фаолиятини амалга ошириш учун бирор-бир хўжалик юритувчи субъектларга лицензия берилмаган. Бу ҳақда Истеъмолчилар ҳуқуқларини ҳимоя қилиш агентлиги хабар берди.
«Маъмурий жавобгарлик тўғрисидаги кодекснинг 191-моддасига (қимор ва таваккалчиликка асосланган бошқа ўйинлар) ва Жиноят кодексининг 278-моддаларига (қимор ва таваккалчиликка асосланган бошқа ўйинларни ташкил этиш ҳамда ўтказиш) мувофиқ букмекерлик ва тотализатор каби фаолият тури ҳали ҳам қонуний эмас», — дейилган хабарда.