5-7 майда Ўзбекистон ҳудудига Каспий денгизи орқали Кавказ ҳудудлари устида шаклланган нам ва деярли салқин ҳаво массалари кириб келади. Бу ҳақда Ўзбекистон Гидрометеорология хизмати хабар берди.
Хабарга кўра, 5-7 майда республика бўйича баъзи жойларда ёмғир ёғади, 5-6 майда тоғ олди ва тоғли ҳудудларда кучли бўлиши мумкин.
5-6 майда шамол 15-20 м/с гача кучайиши кутилмоқда, 5 майда 23-25 м/с гача кучайиши мумкин.
5-7 май кунлари республиканинг тоғ олди ва тоғли ҳудудларида сел келиши хавфи мавжуд дейилади хабарда.