Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ўзини ўзи бошқариш органларининг 46 та вазифа ва функциялари қисқартирилди
19.02.2020 11:33,  
368

Аввал хабар қилганимиздек, “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги Президент Фармони қабул қилинди.

Фармонга кўра, Фуқароларнинг ўзини ўзи бошқариш органларига юклатилган 46 турдаги ҳамда профилактика инспекторларига юклатилган 13 турдаги вазифа ва функциялар қисқартирилди.

Фуқароларнинг ўзини ўзи бошқариш органларига асосий фаолият йўналишларидан ташқари функцияларни фақатгина давлат органлари ва ташкилотлар билан ҳақ тўлашни назарда тутувчи шартнома асосида амалга ошириш ҳуқуқи берилди.

МАВЗУГА ДОИР: Маҳалла ва оилани қўллаб-қувватлаш вазирлиги ташкил этилди

Фуқароларнинг ўзини ўзи бошқариш органлари тузилмасида фуқаролар йиғини раисининг ўринбосарлари саналган ижтимоий ва маънавий-маърифий масалалар бўйича маслаҳатчи, тадбиркорлик, томорқа ер эгалари фаолиятига кўмаклашиш ва ободонлаштириш ишлари бўйича маслаҳатчи, ёшлар масалалари бўйича маслаҳатчи, кексалар ва фахрийлар ишлари бўйича маслаҳатчи лавозимлари тугатилди.

Қуйидаги янги лавозимлар киритилди:

– фуқаролар йиғини раисининг ҳуқуқ-тартибот масалалари бўйича ўринбосари;

– фуқаролар йиғини раисининг оила, хотин-қизлар ва ижтимоий-маънавий масалалар бўйича ўринбосари;

– фуқаролар йиғини раисининг ободонлаштириш, томорқа ва тадбиркорлик масалалари бўйича ўринбосари;

– оила ва хотин-қизлар масалалари бўйича мутахассис;

– фуқаролар йиғини раисининг ёшлар масалалари бўйича маслаҳатчиси;

– фуқаролар йиғини раисининг кексалар ва фахрийлар ишлари бўйича маслаҳатчиси.

МАВЗУГА ДОИР: 2020 йил 1 апрелдан ФҲДЁлар адлия тизимига ўтади

Шунингдек, қуйидаги жамоатчилик тузилмалари тугатилди:

– яраштириш комиссияси;

– маърифат ва маънавият масалалари бўйича комиссия;

– ижтимоий қўллаб-қувватлаш бўйича комиссия;

– вояга етмаганлар, ёшлар ва спорт масалалари бўйича комиссия;

– тадбиркорлик фаолияти ва оилавий бизнесни ривожлантириш масалалари бўйича комиссия;

– жамоатчилик назорати ва истеъмолчиларнинг ҳуқуқларини ҳимоя қилиш бўйича комиссия;

– “Маҳалла посбони” жамоатчилик тузилмаси.

МАВЗУГА ДОИР: Профилактика инспекторини хизмат вазифаси билан боғлиқ бўлмаган ишга жалб этганлик учун интизомий жазо қўлланади

Бундан ташқари қуйидаги комиссиялар ташкил қилинди:

– оилавий қадриятларни мустаҳкамлаш комиссияси;

– ижтимоий қўллаб-қувватлаш ва жамоатчилик назорати бўйича комиссия.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан