Президентнинг жорий ҳафтадаги иш жадвали маълум қилинди
9.08.2021 12:53,
220
Ўзбекистон Республикаси Президенти матбуот котиби Шерзод Асадов бугунги брифингда давлатимиз раҳбари Шавкат Мирзиёев иштирокида жорий ҳафтада кутилаётган муҳим тадбирлар ҳақида журналистларга маълумот берди.
- Бу ҳафтада ҳам бир қатор тадбирлар кун тартибига киритилган. Бугун нефть ва газ соҳалари бўйича йиғилиш ўтказилиши мўлжалланган.
Шунингдек, ҳафта мобайнида Тошкент вилоятида ишлаб чиқариш соҳаларини ривожлантириш, Сурхондарё вилоятида ичимлик суви таъминотини яхшилаш ҳамда йўл бўйларида амалга ошириладиган лойиҳалар бўйича тақдимотлар режалаштирилган.
Ўзбекистон Республикаси Президентининг мамлакатимиз тадбиркорлари билан очиқ мулоқотига ҳам қизғин тайёргарлик кўрилмоқда, - деди Шерзод Асадов.