Путин Украинадаги махсус операцияни тўхтатиш шартини айтди
6.03.2022 17:22,
1338
Путин Украинадаги махсус операцияни тўхтатиш шартини айтди. Бу ҳақда"Sputnik" хабар берди
Россия президенти бугун Эрдўғон билан телефон орқали суҳбатда бу фақат Киев урушни тўхтатиб, Россия талабларини бажарсагина амалга ошишини айтди.
Кремль матбуот хизмати хабарига кўра, Путин Эрдўғонга махсус операция режага мувофиқ давом этаётганини айтган.
«Москва можарони ҳал қилиш учун Украина расмийлари ва хорижий ҳамкорлар билан мулоқотга тайёр. Киевнинг музокара жараёнини кечиктиришга уринишлари истиқболга эга эмас», — дейилади хабарда.
Эрдўғон, ўз навбатида, Анқаранинг тинч йўл билан келишувга ҳисса қўшишга тайёрлигини билдирди. У алоҳида Ғарбнинг рус маданияти ва унинг намояндаларини камситиш ҳаракатларини танқид қилди.