Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Қамоққа олишга етарли асослар бўлмагани сабабли блогер Дадахон Ҳайдаров озод этилди
3.09.2020 10:04,  
208

Сўх туманида юз берган оммавий тартибсизликларда иштирок этганликда гумон қилиниб шу йилнинг 22 августидан буён ушлаб турилган блогер Ҳайдаржон Бобоҳайдаров (Дадахон Ҳайдаров) 2 сентябрь куни озодликка чиқарилган. Бу ҳақида унинг адвокати Ҳамидахон Абдуназарова Kun.uz'га маълум қилди.

Адвокатнинг маълум қилишича, ҳимояси остидаги шахсни жиноят ишида айбланувчи тариқасида жалб этиш ва эҳтиёт чораси сифатида қамоққа олиш учун етарли асослар бўлмаган. Шу сабабдан у тергов органининг қарори билан қўйиб юборилган.

Адвокат сўхлик блогерга нисбатан тўпланган далиллар етарли эмаслигини айтмоқда

Эслатиб ўтамиз, май ойида Сўх туманида бўлиб ўтган оммавий тартибсизликлар ортидан қўзғатилган жиноят иши доирасида бир неча киши ҳибсга олингани ҳақида хабар берилганди.

Кейинчалик улар орасида бош вазир билан учрашувда вилоят ҳокими Шуҳрат Ғаниевнинг истеъфосини сўраган блогер Ҳайдаржон Бобоҳайдаров ҳам борлиги маълум бўлди.

«Бошига халта кийгизиб, вертолётда олиб кетишди» — сўхлик блогернинг отаси

29 август куни Gazeta.uz сайтида эълон қилинган материалда блогернинг отаси ўғли 22 август куни вертолётда «бошига қоп кийдириб» олиб кетишгани ҳақида айтди.

30 август куни ижтимоий тармоқларда блогернинг онаси Азиза Эралиева видеомурожаат қилиб, президентдан фарзандини афв этишни сўради.

«Сўх воқеасида» Бош вазирдан Шуҳрат Ғаниев истеъфосини талаб қилган блогер қамоққа олингани айтилмоқда

31 август куни Бош прокуратура Ҳайдаржон Бобоҳайдаровнинг ҳибсга олингани ҳақида ахборот берди. Унда Бобоҳайдаров жиноят иши бўйича гумон қилинувчи тариқасида ишга жалб қилиниб, Жиноят процессуал кодексининг 226-моддаси (ушлаб турилганларни сақлаш жойлари) тартибида ушлангани айтилди.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан